Bakarameistarinn

Ég er búin að vera hellings myndaleg og skella í 2 kökur, dúnubrauð og kryddköku.

Þessi dugnaður hefur ekki farið áfallalaust fram í þetta skiptið. Var óvenjulega lík sjálfri mér í dag. Hefði átt að láta dúnubrauðið nægja.

Það var nú ekkert merkilegt að ég skildi brjóta eitt eggið nánast í mél ofan í skálina. Aðeins sérstök lagni mín kom í veg fyrir að kryddkakan yrði óvenju kalkrík í þetta skiptið.

Það var pínulítið áhugaverðara þegar ég ætlaði að bræða smjörið. Ég var rétt náði að taka eftir því að smjörið bráðnaði heldur hægt áður en ég fann skrítna lykt...

Svona lykt af bráðnu plasti og heitum pappír....

Hmmm...

Skrítin lykt...

Varð litið á kökubók Hagkaups sem lá á stóru hellunni á eldavélinni (sannast enn og aftur hvað það er miður sniðug staðsetning í eldamennsku)...

Steig reykur upp af bókinni?

Jebb!!

Þegar bókinni var bjargað svona létt steiktri kláraði ég að bræða smjörið í mjólkinni eins og stóð í textanum. Hellti blöndunni út í og hrærði í. Það voru smá kekkir í deginu svo ég náði í sleikju til að skafa degið frá skálinni og lyfti hrærivélarspaðanum upp úr skálinni.

Glöggt fólk getur séð að þarna vantar eitthvað í verkferilinn...

Það fattaði ég líka... mjög fljótt!!

Svona þegar þunnt degið slettist út um allt eldhús út af því að ég gleymdi að SLÖKKVA á vélinni!

Það var nú alveg kominn tími á að þrífa veggina en samt...

Hið ótrúlega er að ég náði að baka fjárans kökuna án þess að brenna hana við!

En hún datt í sundur þegar ég reyndi að ná henni út forminu

Athugasemdir

[Elva Guðmundsdóttir, 8.5.2007 kl. 18:38]

Hmm....ástarútlit....hvernig ætli að standi á því

[Jorrit (IP-tala skráð) 8.5.2007 kl. 20:18]

LOL Flott að lesa þetta. Bara að sanna min skoðun um konum og eldhúsið mitt...

En ef ég einhverntíman ætla að fara í pólítísk barátta vegna kynjamismuninn í atvinnueldamensku , er kanksi betra ef þú ert að halda sig einhverstaður í bakgrunninn ;-)
PS Ef einnhver veit betra ´slogan´en ´Ráðum konur í eldhúsinu´ vinsamlegast skrífast hér fyrir neðan.

Ástarbragd, hmm. Ætla það ekki vera vegna þess að þau vöru að géra eitthvað allt annað en fýlgjast með pottarnir á eldavélina? Þrátt fyrir að vera í eldhúsinu jafnvel ;-)

[Elva Guðmundsdóttir, 8.5.2007 kl. 23:10]

Hehe, ég var nú bara ein í eldhúsinu þegar þessi ósköp gengu yfir en kannski var hugurinn eitthvað annars staðar

En, Jorrit, ég geri nú ágætar kökur þó það gangi ýmislegt á meðan ég baka. Þegar kemur að annarskonar matargerð er ég alveg til í að fylgjast með úr hæfilegri fjarlægð

[Jorrit (IP-tala skráð) 10.5.2007 kl. 18:51]

Var bara að spá í þessu ástarbragd út af mér finnst frekar að ástarbragd er þegar maður borðar eitthvað ljúffengt, sem er greinilega eldad með míkil ást fyrir matin...
Ég var einmitt ekki til staðar, og þetta var í hennar eldhús. Hún ræður öllu þar, t.d. lit, bragd og samhengi kökurnar, vegfóður (pun intended:-) ) og eins og ofangreind dæmi útskyrar, finnst mér best að vera þá ekki til staðar. Ef bara svo að ég er ekki þakinn hveiti og deig ;-)

En um kökurnar, elsku Elva... ég er ekki búinn að smakka neitt (enþá) af seinnasta tilraunin :-) (smá ábending...) . En fékk að horfa á leifurnar (hmm það vantar hrollurbroskall ;-)