Tónlistarfríkið ég

Ég gerðist smá eyðslusöm á sunnudaginn og fjárfesti í Rokkland 2006. Það var eiginlega fyrir eitt einasta lag sem lokkaði mig: "Born Slippy" með Underworld sem er á B-diskinum. Hin 37 lögin voru eiginlega bara bónus.

Að sumu leiti upplifi ég lög eins og karlmenn. Ég hef ákveðnar hugmyndir um hvaða lög höfða til mín og hvaða lög ekki. Hvaða tónlist mér finnst skemmtileg, falleg, góð. Og svo eru það lögin sem ég kolfell fyrir, svona ófyrirséð. Ég man t.d. eftir þegar ég fattaði að ég fílaði eitthvað Spice Girls lag í botn (man nú ekki lengur hvaða lag það var). Þvílíkt áfall!! Gat nú varla verið þekkt fyrir að falla fyrir Spice Girls!

Ef "Born Slippy" væri gaur, væri það einn af þessum nett ófríðu náungum sem ég á það til að skjóta mig í. Þessir sem eru einhvern veginn ómótstæðilega ruglaðir í kollinum. Enda er lagið (eða amk textinn) víst samið í ölæði sem kemur ekkert á óvart. Það nær eitthvað svo vel tilfinningunni að vera dauðadrukkin og hafa veröldina eins og hún leggur sig á fleygiferð í kringum hausinn á sér.  

Tilfinning sem ég hef, sem betur fer, ekki upplifað í dálítinn tíma.

En eftir þessa fjárfestingu held ég að ég sé nánast búin að hlaða inn í tölvuna mína öllum uppáhalds lögunum mínum á seinasta ári. Sem hefur ekki komið fyrir áður. Ég verð byrjuð að þræða tónlistahátíðirnar ef svona heldur áfram, á gamals aldri.

Annars eru þetta alveg frambærilegir diskar, sérstaklega diskur B.

 

Athugasemdir

[Edda Rós (IP-tala skráð) 1.2.2007 kl. 19:33]

Ég skal koma með þér á Hróarskeldu, ekkert mál.

[ragna (IP-tala skráð) 1.2.2007 kl. 23:34]

úúú ég er til í Hróaskeldu... kannski ekki með ykkur :P

[Valdís (IP-tala skráð) 2.2.2007 kl. 08:50]

Hmmm...Hróarskelda segið þið? Það gæti verið bara mjög gaman :D

[Tryggvi R. Jónsson (IP-tala skráð) 5.2.2007 kl. 13:56]

Sagði einhver Hróarskeldu ;)? búið að vera á todo listanum lengi hjá mér.

[Edda Rós (IP-tala skráð) 5.2.2007 kl. 17:10]

Þetta er farið að hljóma einsog fjölskylduferð í uppsiglingu (einhverntíman, ekki endilega næstu hróarskeldu)

[Elva Guðmundsdóttir, 6.2.2007 kl. 09:09]

Oó, hverju kom ég af stað?

Hróarskelda ku vera alveg þess virði