Ferð í Kaupstaðinn

Það er alltaf alveg ótrúlegt hvað mannlífið róast fljótt hérna við vatnið þegar haustar. Og núna eru alveg 9 mánuðir þangað til að æsingurinn byrjar á ný!!

Úff, ég vona að ég verði löngu flogin þá!

Við Steini stuð fórum á Eyrina í gær. Keyptum ritvinnslukerfi fyrir nýju græjuna og fórum í bíó. Mig langaði til að fara á Astropíu en barnið vildi fara á rottumyndina (ratta-eitthvað). Og það var alveg sama hvað ég reyndi að segja honum að rottur væru ógeðslegar og það væru alveg geislasverð í hinni myndinni, hann lét sig ekki! Meira að segja dugði plakattið fyrir utan bíóið ekki.

Svo við fórum á rottu-myndina. Hún var alveg ágæt og aðalsöguhetjan ekkert ógeðsleg þó ættingjar hennar voru það á stundum.

Mig langar samt á Astropíu!!

Svo versluðum við smá í Bókvali.

Athugasemdir

[Tryggvi R. Jónsson (IP-tala skráð) 2.9.2007 kl. 16:30]

Má alveg mæla með Astrópíu, geislasverðið fær reyndar ekki að njóta sín mikið en það er margt annað gott í henni. Við sáum hana í gærkvöldið og mig grunar jafnvel að það væri hægt að plata Valdísi á hana aftur ;)