Flugtak

Við Magni erum núna á Kaffitár í Leifstöð. Einhverjir Ammríkanar eru að leggja saman krónurnar sínar því einum langar í eitthvað í gjafavöruverslunninni. Svona frekar rólegt og klassískt andrúmsloft.

Við gistum hjá Svani og Höllu í nótt og mig dreymdi að við Mamma værum á leiðinni til Danmörku því hún ætlaði að stofna þar leigubílastöð. Og af því að það var svo mikið vesen að borga fólki með ávísunum ætlað hún að gera þetta allt svart. Og ég hafði á tilfinningunni að hún ætlaði að níðast á starfsfólkinu. Hmm... hvernig má skilja þetta?

Annars skutluðu gamla settið okkur á flugvöllinn. Kveðjustundin var stutt, sem betur fer því að það er svo aulalegt að skæla svona á almannafæri. En ég verð að viðurkenna að ég sakna þeirra strax. Og Rögnu, og Valdís, Og Álfhildar, Og, og.... Það er eins gott að þú sért skemmtilegur Jorrit!!

Jæja, ég vona bara að útverðir hins frjálsa heims haldi ekki að ég sé hættuleg fína landinu þeirra. En ég hef nógan tíma til að hafa áhyggjur af því í vélinni. Oh hvað gerði maður án áhyggja...

Athugasemdir

[Valdís (IP-tala skráð) 29.6.2008 kl. 10:49]

Gangi ykkur vel á leiðinni, Elva mín og Magni Steinn! Ég er líka strax farin að sakna ykkar og dauðsé eftir því að hafa ekki náð almennilegu lokaknúsi á ykkur bæði.

[Ragna Þorsteinsdóttir, 1.7.2008 kl. 10:14]

jújú það er ekki laust við að maður sakni ykkar, þó svo að það sé ágætt að vera ein í húsinu ;-)

[Jóhanna Andrésdóttir (IP-tala skráð) 1.7.2008 kl. 11:26]

Það er gott að þið eruð komin þangað sem hugurinn stemti en Magna er sárt saknað af Viktori , en við komum heim í gærkveldi úr Spánarferðini sem var vel lukkuð og erum við að venjast kuldanum hér heima en hitinn á okkur var 32-35.

Ég vona að þið hafið það gott vestur í hreppum.

Kv Jóa,Óli,Gréta og Viktor.

[Edda Rós (IP-tala skráð) 1.7.2008 kl. 15:05]

Eins kjánalegt og það hljómar þá sakna ég ykkar örðuvísi núna. Þið erum svo miklu lengra í burtu núna en þið voruð. Vonandi gengur samt vel að koma sér fyrir þarna hinum meginn við stóra sjóinn...