Seinasta helgi fyrir jól

Nú er maður staddur enn og aftur í Hrísateignum.

Það stendur til að baka laufabrauð og hugsanlega einhverjar jólasmákökur.

Þar sem ég er bara 2. kynslóðar innflytjandi í Þingeyjarsýslum þá erum við ekki með eins háttþróaðar hefðir í laufabrauðsbakstri og margir innfæddir. Við gerum laufabrauðið til þess að borða það, ekki til þess að horfa á það. Þess vegna er hámark útskurðarlistarinnar hér á bæ að gera upphafstafina okkar á kökurnar með laufabrauðshjólinu og bretta uppá. Þetta er gert við svona 10 kökur, hinar 50 eru bara steiktar óbrettar. Ég veit að þetta er hjóm eitt við alvarlega laufabrauðgerð.

Svo stendur til að baka klassískar smákökur eins og loftkökur ( aka þingeyinga, aka mývetninga), Hvesperstikk, kornflekskökur og sörur

Athugasemdir

[Valdís (IP-tala skráð) 16.12.2006 kl. 19:19]

En bóndakökurnar???

[Elva Guðmundsdóttir, 17.12.2006 kl. 18:08]

Var búin að baka eina umferð af bóndakökum. Verð nú samt að henda í annan skammt þar sem fyrsti skammturinn kláraðist núna um helgina!

[Tryggvi R. Jónsson (IP-tala skráð) 18.12.2006 kl. 12:00]

Hvað er Hvesperstikk?

[Elva Guðmundsdóttir, 18.12.2006 kl. 12:09]

Hehe, þú kemst að því. Afskaplega góðar og heppnuðust vel að mínu áliti