Legó afmæli

Magni Steinn, aka Steini stuð, aka Knúsukallinn hennar mömmu sinnar (en bara þegar enginn heyrir til),  en alls ALLS EKKI aka dillibossi! á afmæli í dag.

Hann er þegar búinn að taka upp gjafir frá; pabba sínum (Lego Star Wars Star Destroyer) (eða réttara sagt velja hana), Lijdu (mömmu hans Jorrit) (Lego Technic vinnuvél), Mömmu sinni og Jorrit (Lego Mars Mission geimflaug og geimjeppi) og fólkinu á hanabjálkanum (Eddu, Dodda og Hrafnkeli) (Lego Racers stökkbrú + 4 bílar).

Ákveðið þema virðist vera í gangi þetta árið. Enda borgar sig greinilega að auglýsa og fara í engar grafgötur um hvað mann langar í!

Það er líka gott að eiga góða vini því Viktor vinur hefur aðstoðað við samsetningu. Bara að setja saman Stjörnustríðs geimskipið tók 6 daga vinnu (eftir skóla og um helgina).

Hér má sjá þá félaga að störfum. Magni reyndar upptekinn í símanum sem sýnir bara að snemma beygist krókurinn. Það er nefnilega hringt í mann frá 3 löndum og 2 heimsálfum á svona merkisdegi og það tekur tíma að sinna því! 

Athugasemdir

[Íris fyrrverandi landverja (IP-tala skráð) 29.11.2007 kl. 00:21]

Það var svo gaman að eiga afmæli þegar maður var krakki. Þetta var eini tími ársins fyrir utan jólin þegar maður fékk eitthvað sem mann virkilega dreymdi um :Þ 

Til hamingju með strákinn þinn :)