Megas

Núna þegar Megas keppist við að kyrja hærra í útvarpinu en Kári hér fyrir utan verð ég að segja að gott sé orðið gott!!

Núna er búið að vera bylur, rok, skafrenningur, snjókoma og frost nánast síðan að ég kom úr Reykjavíkur reisunni. Ég get alveg lofað ykkur að skapið er löngu komið á réttan kjöl svo að veðrið endurspeglar svo sannarlega ekki mína innri konu.

Ég vona bara innilega að veðrinu fari að slota svo ég komist í stórmarkað. Smámarkaðurinn sem er hérna stendur alveg fyrir sínu en það er samt farið að minnka í nýja fína frystinum mínum.

Ég ætla að fara heim og baka eitthvað. Hlusta á eitthvað af góðu tónlistinni sem ég hef fundið undanfarið í geisladiskasafninu mínu og hugsanlega að slá á þráðinn til einhvers ykkar.

Heyrumst

Fyrsta tönnin fallin!!

Það var kátur drengur sem kom að morgunverðarborðinu í dag.

Framtönnin sem hefur verið að losna seinustu vikur lét sig loks í morgun. Þannig að þegar frændi hans er að bæta í tanngarðinn er Magni að  grisja í sínum. Það varð reyndar ekki almennilegt skarð þar sem fullorðinstönnin hafði misst þolinmæðina og kom upp fyrir aftan þessa fyrir svona mánuði síðan.

Skíta veður

Það er búið að vera rok, skafrenningur og snjókoma í dag og í gær. Veðrið er þó heldur að skána.

Suðurferð

Núna þegar veðrið er að gíra sig upp í almennilegt rok erum við mægðinin á leið suður á boginn. Ég á víst að vera stödd í Hafnarborg kl 8:30 á morgun og Magni ætlar að vesenast eitthvað með hinu foreldrinu þessa helgina.

Það verður ágætt að skoða sig aðeins um í Borg Bleytunnar. Rifja upp áttirnar í Kringlunni og Smáralind og kíkja aðeins í hræðilegustu verslun norðan Alpafjalla, IKEA.

Skemmtileg tilviljun

Það sannast enn og einu sinni að "greate mind think alike". Svo virðist vera að Valdís og ég höfum ákveðið að velja sömu vél suður á fimmtudaginn. Þetta er náttúrulega alveg ferlega ánægjulegt.

Annars slepptum við Magni kvöldmatnum núna áðan og bökuðum í staðinn köku. Magni fékk að ráða svo að það var bökuð brún rúlluterta með hvítu kremi (svona 5 millj hitaeiningar) og einhvern vegin vorum við ekki neitt svöng eftir baksturinn. Hvernig sem stendur á því?

 

Elgir

Ég er með strengi í maganum.

Ástæðan er sú að við horfðum á Monty Python's Holy Grail í gærkvöldi í staðinn fyrir hina hefðbundnu laugadagsdagskrá.

Ómy god! Það er svo langt síðan að ég horfði á myndina að ég var algerlega búin að gleyma elgunum í byrjuninni! Og ég varaði mig ekkert á því þegar Edda talaði um að hafa stoppað myndina í kynningu seinasta þegar hún horfði á hana, vegna hláturverkja.

Ég hélt í alvörunni að það myndi líða yfir mig af súrefnisskorti ég hló svo mikið. En hvað er svona fyndið við sænska elgi? Ekki gott að segja. Ég er bara fegin að þau dýr sem bíta helst heima hjá mér eru flugur en ekki 500 kg klaufdýr.

Laugadagsverkin

Ég vaknaði heima hjá mér í morgun. Þetta ku nú ekki að vera stórfréttir en ef haft er í huga að í dag er laugdagur þá er það pínulítið merkilegt.

Ég ætla heldur ekkert í ferðalög eða láta passa afkvæmið þessa helgina. Var reyndar búin að klára pössunarkvótann í gær þegar Ragna mætti eftir hádegið til að hafa auga með Magna. Ég var nefnilega á stórmerkilegu Heilsuferðaþjónustu málþingi niðri á Húsavík og kunni illa við að láta barnið sjá um sig alveg sjálft.

Við Magni tókum því rólega í morgun og þegar við vorum búin að því minnkuðum við óreiðuna í húsinu um heilann helling. Núna má nánast borða af eldhúsborðinu í Lynghrauninu

Svo ákváðum við að renna í Teiginn enda þýðir lítið að eyða HEILLI helgi heima hjá sér.

Annars fjárfesti ég í ægilega sætri ljósaseríu í gær. Hún er komin upp á vegg og þjónar nú hlutverki höfðagafls yfir rúminu mínu. Ekkert smá rómó og krúttlegt og fær svefnherberið til að vera aðeins minna eins og á heimavist. Þá er bara eftir að festa myndina upp á vegg og kaupa fatastand... afsakið... stól til að hafa við rúmið.

Frost og funi

Titillinn kemur innihaldinu lítið við en hann er bara svo flottur.

Ja, ok. Það er amk frost í Mýv. Alveg þannig að það frýs í nefinu á manni þegar labbað er frá og til vinnu. Og það er bjart (eða stjörnubjart akkúrat núna) og nánast logn. Sem sagt alveg yndislegt.

En þetta með funann... Æji ég vildi að ég gæti spæsað upp umræðuefnið hjá ykkur, lesendur góðir en nei... funinn er bara í jörðu niðri þessa stundina.

Það var spil um helgina. Stuttlungarnir fóru kynntu sér Starmantle og nágrenni. Ég var einmitt að lesa dagbækur tveggja þeirra og datt nánast af stólnum við lesninguna. Nú þarf ég bara að gera mitt og meta dugnað þeirra í stigum.

Fór upp að Hlíðarfjalli í gær. Hefði verið mun, mun, betri gönguferð ef ég hefði átt svona legghlífar eins og við systurnar (-Valdís) skoðuðum um daginn. Þetta hugsaði ég í hvert einasta skipti sem ég steig í gegnum hjarnið upp fyrir skó. Það skeði svona 1000 sinnum! Urr. En ég náði einni góðri mynd:

Í Teignum

Er komin niður í Teiginn einu sinni enn.

Horfði á seinni partinn af Freaky Friday, endurgerð, og stóð mig að því að hlæja helling. Ég fann mig bara alltof mikið í hlutverki mömmunnar (sorglegt). Ég átt reyndar ekkert að vera að horfa á sjónvarpið, frekar að undirbúa spil á morgun en svona er þetta stundum.

Ég var líka félagsskítur því að ég nennti ekki í pottinn heldur fór í bað. Það er bara svo notalegt að fara í bað stundum, sérstaklega með bók. Maður fer sko ekki með bók í pottinn þegar MSÞ er nálægur! Ónei.

Núna væri sennilega klókt að fara í bólið svo ég verði ekki búin á því annað kvöld.

Góða nótt!

Púsluspil

Ég stend enn frammi fyrir því að þurfa að biðja um pössun.

Ég held að ég verði að fara að horfast í augu við það að ég sitji kannski ekki heima hjá mér allar helgar. Satt að segja eru slíkar helgar að verða undantekningin. Seinasta helgi var td vettvangsrannsókn. Núna um helgina er fundur og spil og jafnvel kveðjudinner. Helgina eftir það er ákaflega freistandi margföld veisla. Helgina þar á eftir þarf ég að fara í Borg Bleytunnar en þá mun barnið hitta hitt foreldrið.

Núna ætla ég hins vega að fara heim og láta innri kvikindi mitt sleppa í tilefni af næstu helgi